Dünyaca məşhur model-aktrisa Kara Delevin gənclərin psixi sağlamlığı üçün keçirilən xeyriyyə tədbirində müzakirəyə qatılıb.
Birinci 24 xəbər verir ki, o, uşaqlıqdan alkoqol və narkotik asılılığı ilə mübarizə apardığını etiraf edib:
“Bu, gizlədə bilməyəcəyiniz bir şeydir. Yalnız bu barədə danışanda sağalmaq olar. Özümdən qaçmaqdan yoruldum. Sadəcə qaçıb divara çırpılmaq oldu. Bununla mübarizə aparmaq üçün yalnız idman, yoqa və xüsusi proqram mənə kömək etdi. Proqram vasitəsilə hər gün bir-birinə dəstək olan qadın qruplarından birlik və ilham tapdım. Hər kəsə uyğun gələn bir müalicə yoxdur. Amma mənə kömək edən o oldu ki, özümü sevməyi və başqa insanlarla birlikdə olmağı öyrəndim. Düşünürəm ki, mənim problemim mükəmməl olmamağıma baxmayaraq, mükəmməl olmaq istəyim idi. Beynimdə sadəcə daha yaxşı olmaq istəyirdim”.
