Azərbaycanın müdafiə nazirinə yeni müavin təyin edilib.
Müdafiə Nazirliyi xəbər verir ki, bununla bağlı Prezident İlham Əliyev dekabrın 9-da sərəncam imzalayıb.
Sənədə əsasən, Qurbanov Aqil Səlim oğlu müdafiə nazirinin müavini vəzifəsinə gətirilib.
Qeyd edək ki, Aqil Qurbanov əvvəllər “PASHA Holding” MMC-yə daxil olan “PASHA İnvestments” MMC-də çalışıb. Daha sonra “Sumqayıt Texnologiyalar Parkı” MMC-nin Müşahidə Şurasının sədri vəzifəsini daşıyıb. Ən son isə Azərbaycan Respublikası Prezidentinin Zəngilan rayonu üzrə Xüsusi Nümayəndəliyinin əməkdaşı olub.
