Naxçıvan Muxtar Respublikası Dini Qurumlarla İş üzrə Dövlət Agentliyinin direktoru Vüqar Babayev, Türkiyənin Naxçıvandakı Baş konsulu Asip Kaya və dindarların iştirakı ilə bu gün Naxçıvan şəhərindəki Kazım Qarabəkir Paşa məscidində cümə namazı qılınıb, qardaş Türkiyədə zəlzələdən dünyasını dəyişənlərin ruhlarına dualar oxunulub, yaralılara şəfalar dilənilib.
Birinci 24 xəbər verir ki, bu məqsədlə daha sonra mərasim evində ehsan verilib.
Qardaş ölkədə baş verən dəhşətli faicədən zərər çəkənlərə kömək məqsədilə Naxçıvandan geniş yardım kampaniyası başladılıb. Son iki gün ərzində muxtar respublikadan zəlzələ bölgəsinə 30 TIR-a yaxın humanitar yardım göndərilib.
Qeyd edək ki, baş verən təbii fəlakət nəticəsində ölənlərin sayı 19 388 nəfərə çatıb. 77 711 nəfər isə yaralanıb.
