Ukrayna qüvvələri Baxmut ətrafında irəliləyib, müdafiə nazirinin müavini Anna Maliar şərq şəhərini “döyüş əməliyyatlarının mərkəzi” kimi xarakterizə edib.
Birinci 24 BBC-ə istinadla xəbər verir ki, o, çoxdan gözlənilən əks-hücumun başlanıb-başlamadığını açıqlamayıb.
Rusiya ordusu, həmçinin bazar ertəsi Donetsk vilayətinin şərqində yeni hücumu dəf etdiyini bildirib.
Baxmut aylardır şiddətli döyüşlərin mərkəzində olub. Onun strateji əhəmiyyəti azdır – lakin həm Kiyev, həm də Moskva üçün simvolik olaraq vacibdir.
Çərşənbə axşamı səhər saatlarında Ukraynanın hər yerində hava hücumu sirenləri bir neçə saat ərzində işə salınıb. Paytaxt Kiyevə atılan 20-dən çox raket havada vurulub.