Cənubi Koreya Baş Qərargahı Şimali Koreyanın Yapon dənizi istiqamətində ballistik raket atdığını açıqlayıb.
Birinci 24 xarici KİV-ə istinadla xəbər verir ki, hadisənin yerli vaxtla saat 19:30-da (Bakı vaxtı ilə 14:30) baş verdiyi bildirilib.
Yaponiya Sahil Mühafizəsi də Şimali Koreyanın ballistik raket sınağı keçirdiyini təsdiqləyib.
Yaponiya Müdafiə Nazirliyi proseslə bağlı məlumat topladığını açıqlayıb.
Açıqlamada, bildirilib ki, raketin Yaponiyanın müstəsna iqtisadi zonasından kənara düşdüyü təxmin edilir. Qeyd olunub ki, bölgədə hərəkət edən hava və dəniz elementlərinə mümkün zərər müəyyən ediləcək.
