İsrail polisi Baş nazir Benyamin Netanyahunun iqamətgahı yaxınlığında keçirilən etiraz aksiyası zamanı 8 nümayişçini saxlayıb.
Birinci24.com xəbər verir ki, bu barədə “The Jerusalem Post” qəzeti məlumat yayıb.
Nəşrin məlumatına görə, nümayişçilər hökumət başçısının iqamətgahına daxil olmağa cəhd ediblər.
Qeyd edək ki, iyunun 14-ü də polis Netanyahunun dənizkənarı Qeysəriyyə şəhərindəki evinin yaxınlığında keçirilən qanunsuz etiraz aksiyasına görə dörd nəfəri saxlamışdı.
