Ötən axşam və noyabrın 22-nə keçən gecə dövlət sərhədinin qərb hissəsində Azərbaycan Silahlı Qüvvələrinin mövqeləri erməni tərəfdən atəşə tutulub.
Daşkəsən rayonunun Astaf və Tovuz rayonunun Koxanəbi yaşayış məntəqələri istiqamətindəki mövqelər atəşə tutulub, Müdafiə Nazirliyinin mətbuat xidməti bildirib.
Bundan əlavə, həmin vaxtda Qarabağdakı erməni birləşmələri Xocavənd və Füzuli istiqamətlərində (Qarabağın cənub və cənub-şərqi) Azərbaycan mövqelərini atəşə tutublar.
Azərbaycan tərəfi adekvat addımlar atıb, Müdafiə Nazirliyinin məlumatında deyilir.
Öz növbəsində erməni tərəfi Azərbaycanı atəşkəs rejimini pozmaqda və Qarabağda traktoru atəşə tutmaqda ittiham edib.
