Cənubi Koreya Şimali Koreyaya qarşı 5 ildən sonra ilk dəfə yeni sanksiyalar tətbiq etmək qərarına gəlib.
Sərhəd bölgəsində yeni qısa mənzilli ballistik raketi sınaqdan keçirən və döyüş təyyarələri ilə uçuşlar keçirən Şimali Koreyaya Seuldan sərt reaksiya verilib.
Cənubi Koreya Milli Təhlükəsizlik Şurasından verilən açıqlamada, Pxenyanın 2018-ci ildə imzalanan sərhəd bölgəsində təcavüzkar hərəkətləri qadağan edən ikitərəfli razılaşmanı pozduğu bildirilib. Cənubi Koreya hökuməti son 5 ildə ilk dəfə Pxenyana qarşı sanksiya tətbiq etmək qərarına gəlib, sanksiya siyahısına raket inkişafı ilə məşğul olan 15 nəfəri və 16 qurumu əlavə edib.
