Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə aparılan minatəmizləmə əməliyyatlarına dair həftəlik statistik məlumatı açıqlayıb.
Agentliyin məlumatına görə, 2025-ci il 30 iyun – 6 iyul tarixlərini əhatə edən müddətdə Tərtər, Ağdam, Ağdərə, Laçın, Füzuli, Şuşa, Xocalı, Xankəndi, Kəlbəcər, Xocavənd, Cəbrayıl, Qubadlı və Zəngilan rayonlarında həyata keçirilən əməliyyatlar nəticəsində:
• 43 piyada əleyhinə mina,
• 16 tank əleyhinə mina,
• 382 partlamamış hərbi sursat (PHS) aşkarlanaraq zərərsizləşdirilib.
Həftə ərzində ümumilikdə 2 331,8 hektar ərazi mina və partlamamış sursatlardan təmizlənib.
ANAMA tərəfindən həyata keçirilən bu əməliyyatlar ərazilərin təhlükəsizliyinin təmin edilməsi və infrastrukturun bərpası baxımından mühüm əhəmiyyət daşıyır.
