Məlum olduğu kimi, ölkə Prezidenti altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb.
Sərəncamla altıncı çağırış Milli Məclis buraxılıb və sentyabrın 1-nə növbədənkənar seçkilər təyin edilib.
Ənənəvi olaraq namizədlər təbliğat-təşviqat mərhələsində seçicilərinə özlərini yaxından tanıtmaq üçün müəyyən tədbirlər həyata keçirirlər. Bunların sırasında sakinlərlə görüşmək, onların problemləri ilə maraqlanmaq, ahıl və həssas təbəqədən olan vətəndaşları ziyarət etmək kimi ənənələr var. Düzdür, bu ənənlərin bir çoxu namizədlər tərəfindən özünəməxsuslaşdırılıb. Məsələn, ötən seçkilərdə yaşlı nənə və babaların əllərini öpmək və əlinə bel alıb təsərrüfatla məşğul olmaq ənənəsi dəbə düşmüşdür. İnsanlar tərəfindən qınanılan sözügedən davranışların ardından bu il keçiriləcək növbədənkənar parlament seçkilərində belə təbliğat-təşviqat kamaniyalarına demək olar ki, rast gəlinmir.
Seçki prosesi zamanı tanıtım baxımından hazırlanan seçki plakatlarının da xüsusi önəmi var desək, səhv eləmərik. Təqdimat və görüləcək işlər məhz bu plakatlardakı sözlərdə əks olunur. Bəzən də bu plakatlara yüngül də olsa, dodağın qaçmadan baxmamaq olmur.
Əvvəlki illərdə və hazırda millət vəkilliyinə namizəd olan şəxslərin seçki plakatlarını təqdim edirik:
