“Payıza doğru ətin satış qiyməti yenidən artacaq. Bu da bazarda ət qıt olması ilə bağlıdır. Tələb çoxdur, təklif isə azdır” .
Bu sözləri aqrar sahə üzrə ekspert Akif Nəsirli deyib.
O bildirib ki, heyvan sayının azalması ildən-ilə davam etdi. 2022-ci ildən başlayaraq ətin qiyməti bahalaşmağa başladı:
“Əhalinin qırmızı ətə olan ehtiyacı idxal hesabına ödənilir. Bu sahəni dirçəlmək üçün örüş sahələri inkişaf etdirilməlidir. Məlumdur ki, örüş sahələri heyvandarlıqla məşğul olanların əllərindən alınaraq, pambıq və müxtəlif sahələr sahələr üzrə ya satılıb, ya da icarəyə verilib. Örüş sahələri yenidən fermerlərə qaytarılmalıdır. Idxaldan asılılığı azaltmaq üçün örüş sahələri bərpa olunmalıdır”.
