VII çağırış Milli Məclis sədrinin müavinləri seçilib.
Birinci24.com “Report”a istinadla xəbər verir ki, bu barədə VII çağırış Milli Məclisin ilk iclasında məsələ müzakirəyə çıxarılıb.
Deputat Əli Əhmədov Milli Məclis sədrinin birinci müavini, deputatlar Ziyafət Əsgərov, Musa Qasımlı və Rafael Hüseynov sədrin müavinləri seçiliblər.
Qeyd edək ki, indiyədək Milli Məclis sədrinin üç müavini ( birinci müavin və iki müavin) olub.
***10:28
Yeni Azərbaycan Partiyasının sədr müavini Əli Əhmədov Milli Məclis sədrinin müavini postuna namizəd olub.
Birinci24.com “Qafqazinfo”ya istinadla xəbər verir ki, onun spikerin birinci müavini olacağı bildirilir.
Eyni zamanda, Musa Qasımlı və Rafael Hüseynovun da parlament sədrinin müavini postuna namizədlikləri təsdiqlənib.
Xatırladaq ki, parlamentdə çoxluq təşkil edən Yeni Azərbaycan Partiyasının (YAP) Milli Məclisin sədri postuna namizədi Sahibə Qafarovadır.
