Naxçıvan şəhərində avtomobillə motosiklet toqquşub, xəsarət alan var.
Birinci24 informasiya agentliyi xəbər verir ki, hadisə şəhərin Heydər Əliyev prospektində baş verib. Qəza zamanı 75-BA-594 dövlət nömrə nişanlı “Oka” markalı avtomobillə 67-A-377 dövlət nömrə nişanlı motosiklet toqquşub. Hadisədə xəsarət alan motosikletin sürücüsü Babək rayon, Zeynəddin kənd sakini 1993-cü il təvəllüdlü Əliyev Elnur Ayaz oğlu Naxçıvan Muxtar Respublika Xəstəxanasına yerləşdirilib.
Hadisə yerinə Naxçıvan Şəhər Polis İdarəsinin əməkdaşları cəlb olunub, faktla bağlı araşdırma aparılır.
