Rusiya və ABŞ prezidentləri Vladimir Putin və Donald Tramp arasında görüş yalnız Putinin Ukrayna Prezidenti Volodimir Zelenski ilə görüşəcəyi təqdirdə baş tutacaq.
Birinci24 informasiya agentliyi xəbər verir ki, bu barədə “ABC News” və “New York Post” tabloidləri Ağ Evdəki mənbəyə istinadən məlumat yayıb.
“Putin Zelenski ilə görüşməlidir ki, Putinin Trampla görüşü baş tutsun”, – mənbə bildirib.
Mənbə bu görüşlərin hansı ardıcıllıqla keçirilməli olduğunu açıqlamayıb. O, Putin-Tramp danışıqlarının yerinin hələ müəyyən edilmədiyini də vurğulayıb.
Putinin köməkçisi Yuri Uşakov səhər saatlarında bildirib ki, Tramp-Putin görüşünün yeri artıq razılaşdırılıb, lakin daha sonra ictimaiyyətə açıqlanacaq. O, həmçinin bildirib ki, bir gün əvvəl xüsusi elçi Steven Uitkoff və Putin arasında danışıqlar zamanı ABŞ nümayəndəsi üçtərəfli görüş ideyasına toxunub, lakin Moskva bu təklifi şərhsiz tərk edib.
