“İran Böyük Britaniya, Almaniya, Fransa və digər Avropa ölkələri ilə məsləhətləşmələri davam etdirməyə hazırdır, həmçinin yaxın vaxtlarda “Aİ3” formatında növbəti görüşün keçirilməsi imkanını nəzərdən keçirir”.
Birinci24 informasiya agentliyi xəbər verir ki, bunu Cenevrədəki danışıqların yekunlarına görə İslam Respublikasının xarici işlər naziri Abbas Əraqçi deyib.
“Biz “Aİ3” və Avropa İttifaqının digər ölkələri ilə məsləhətləşmələrin davam etdirilməsinin tərəfdarıyıq və həmçinin yaxın vaxtlarda növbəti görüşü keçirməyə hazırıq”, – nazir deyib.
Eyni zamanda, Əraqçi vurğulayıb ki, İran öz qanuni özünümüdafiə hüququndan istifadə etməyə davam edəcək və İsrailin hücumları davam etdikcə tərəflərdən heç biri ilə danışıqlar aparmayacaq.
