“Aprelin 10-da saat 01:00-02:00 radələrində Ermənistan ərazisində Azərbaycan Silahlı Qüvvələrinin hərbi qulluqçusu aşkar edilərək həbs edilib”.
Bu barədə Ermənistan Müdafiə Nazirliyi məlumat yayıb.
Bildirilib ki, onun yanında daha bir hərbçi olub, əməliyyat-axtarış tədbirləri davam etdirilir .
***13:57
Ermənistan mətbuat orqanlarında itkin düşmüş Azərbaycan hərbçisinin ələ keçirilməsi barədə məlumat yayılıb.
Erməni sosial şəbəkələrində sözügedən hərbçinin kadrları da yayılıb.
Kadrlarda, azərbaycanlı şəxs 3 gündür heç nə yemədiyini deyir və meşədə gizləndiyini bildirir.
Erməni mülki şəxslər isə yaşlı “tərcüməçi” vasitəsilə onu sorğu-sual edirlər.
Müdafiə Nazirliyindən bu barədə müvafiq sorğumuza cavab olaraq bildirildi ki, rəsmi mövqe olan zaman açıqlama veriləcək.