“Dayısı əlindən tutub yanıma gətirir ki, müğənni et. Baxırsan ki, onu müğənni etmək üçün fil həkimi olmalısan. Nə səsi, nə diapazonu var. Acınacaqlısı odur ki, belə musiqiçilər də var. Harada, necə təhsil alıblar bilmirsən. İnsanda xüsusi istedad olmalıdır. Sənət göz qabağındadır, onu gizlətmək olmaz. Nə qədər kompüterlə oxuyacaqsan?”.
Birinci 24 xəbər verir ki, bu sözləri Əməkdar artist Gülüstan Əliyeva “Həmin Zaur” verilişində deyib. Müğənni bir çoxlarının ifasından gileylənib. O bildirib ki, istedadı olmayan ifaçılıqla məşğuldur:
“Sənətə adi və təsadüfi adamlar gəlib. Sənəti də adiləşdiriblər. Onun da yanında sənət və sənətkarlar, sənətə xidmət edənlər də adiləşməyə başlayıb”.
