“Arzumuz Zəngəzur və Laçın dəhlizlərini sülh dəhlizinə çevirərək açmaqdır”.
Bu sözləri Türkiyə Prezidenti Rəcəb Tayyib Ərdoğan Naxçıvan Muxtar Respublikası səfərindən qayıdarkən təyyarədə jurnalistlərin suallarını cavablandıran zaman deyib.
O bildirib ki, hələ də müharibənin hökm sürdüyü dəhliz haqqında düşünmək mümkün deyil:
“İndi Azərbaycanın suverenliyi altında olan Xocalı və Qarabağ üçün daimi sülh və əmin-amanlıq zamanıdır. Ermənistanın vəzifəsi sülhün bərqərar olması üçün sülhün yanında olmaqdır”.
Xatırladaq ki, ötən gün – sentyabrın 25-də R. T. Ərdoğan Naxçıvan MR-ə rəsmi səfərə gəlib.