Bölgəmizdə post-münaqişə dövründə köçkünlərimizin öz doğma torpaqlarına geri qayıtması və yenidənqurma işlərində əsas təhdidlərdən biri olan ərazilərin minalanması problemi ilə mübarizə istiqamətində BƏƏ tərəfindən ANAMA-ya bu yaxınlarda 5 milyon ABŞ dollarında yardım göstərilib.
Birinci24.com xəbər verir ki, bunu xarici işlər naziri Ceyhun Bayramov Birləşmiş Ərəb Əmirliklərinin (BƏƏ) xarici işlər naziri Abdullah bin Zayed Əl Nəhyanla telefon danışığı zamanı deyib.
Nazir buna görə qarşı tərəfə təşəkkür edib. Göstərilən yardımın həmrəylik göstəricisi olduğu vurğulanıb.
