İsrail istehsalı olan “Barak MX” raket və aviasiya təhdidləri ilə mübarizə üçün nəzərdə tutulmuş modul tipli hava hücumundan müdafiə sistemidir. O, həm dəniz platformalarında, həm də quruda fəaliyyət göstərir. Bu sistem “Barak” raket ailəsinin modernləşdirilmiş versiyasına aiddir.
“Barak MX” havadan müdafiə sistemi döyüş təyyarələri, helikopterlər, kruiz raketlər, yer-hava və yerüstü raketlər, müxtəlif təyinatlı raketlərə əlavə olunur. “Barak” raketləri yük və yük maşınları ilə konteyner tipli daşımalar üçün də yararlıdır.
“Israel Aerospace Industries”in (IAI) məlumatına görə, “Barak MX”-nin innovativ, proqram təminatına əsaslanan modulyar yanaşması əməliyyatlarda müstəsna şərait yaradır və gələcək təhlükələrə asanlıqla uyğunlaşır. Bu isə onu bu gün ən güclü havadan müdafiə sistemlərindən biri edir.
“Barak MX” sistemi istənilən mövcud və yeni sensorlarla sadə inteqrasiyaya qadirdir. Bütün “Barak MX Land Deployable” komponentləri daimi infrastrukturdan idarə oluna və ya yük maşınına quraşdırıla və müvəqqəti əməliyyat sahələrinə yerləşdirilə bilər. Bu hava hücumundan müdafiə sistemi istənilən mövcud və yeni sensorlarla sadə inteqrasiyaya qadirdir.
“IAI”in bildirdiyinə görə, “Barak MX”-in innovativ proqrama əsaslanan modul yanaşması, əməliyyatda təhdidlərə sadə uyğunlaşmanı təmin edərək, hər cür hava şəraitində gecə və gündüz fəaliyyət göstərir.
“Barak MX” 16 kilometrədək yüksəklikdə 35, 70 və 150 kilometr məsafəli 3 raket növündən istifadə edə bilər. Sistem təyyarələri, pilotsuz uçuş aparatlarını, raketləri müəyyən edə və vura bilir.
