Rusiyada yaşayan Reyhan adlı müğənni faciəvi şəkildə dünyasını dəyişib.
Bu barədə aparıcı Sərxan Kərəmoğlu “Instagram”da məlumat verib. Onun sözlərinə görə, müğənni avtomobil qəzasında həyatın itirib.
Qəzadan sonra videogörüntüləri və Reyhanın fotosunu izləyiciləri ilə bölüşən Sərxan yazıb: “Reyhan, Allah sənə rəhmət eləsin. Çox üzüldüm. Reklam sevməyən müğənni idi”.
“Avtomobildə dörd nəfər olub: Reyhan xanım və daha 3 nəfər musiqiçi. Onlar toydan qayıdarkən avtomobil qəzasına düşüblər. Musiqiçilər sağ qalsa da, Reyhan xanım aldığı ağır xəsarətlərdən vəfat edib.
Reyhan xanım 30 ildi Moksvada yaşayırdı. Əslən Yevlaxdandır. Çox gözəl müğənni idi. Ailəsinə və yaxınlarına səbr diləyirəm. Allah rəhmət eləsin”, – deyə S.Kərəmoğlu vurğulayıb.