Seminarda Naxçıvan Şəhər Təhsil Şöbəsinin əməkdaşları və ümumtəhsil məktəblərinin məktəbəhazırlıq qrupunda tədris aparacaq müəllimlər iştirak edib.
Naxçıvan Şəhər Təhsil Şöbəsinin metodkabinet müdiri Gülxarə Tarverdiyeva bildirib ki, seminarın keçirilməsində məqsəd beşyaşlı uşaqların məktəb təliminə hazırlığı və bu sahədə təhsil prosesinin təşkil edilməsi ilə bağlı müəllimləri məlumatlandırmaqdır.
Seminarda məktəbəhazırlıq qruplarında “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət” mövzularında müəllimlərə geniş izahatlar verilib.
Seminar 3 gün müddətində davam edəcək.
