“İranda səfirliyimizə qarşı insan itkisi ilə nəticələnən terror aktını sərt şəkildə qınayırıq”.
Bunu Azərbaycanın keçmiş xarici işlər naziri, ölkəmizin Bosniya və Herseqovinadakı səfiri Vilayət Quliyev feysbuk hesabında yazıb.
O, səfirliyin həlak olan əməkdaşın ailəsinə dərin hüznlə baş sağlığı verib: “İlk başsağlığının Rusiyadan gəlməsi anlaşılandır. 1829-cu il yanvarın 30-da Tehran qaragüruhunun yönləndirilmiş hücumu nəticəsində vəziri-muxtar (səlahiyyətli nazir) A.S.Qriboyedov başda olmaqla Rusiya səfirliyinin 57 əməkdaşı qətlə yetirilmişdi. İran dəyişmir!”.
