Azərbaycanın iki yunan-Roma güləşçisi Eldəniz Əzizli və Ülvi Qənizadə Serbiyanın paytaxtı Belqradda keçirilən dünya çempionatında finala yüksəliblər.
55 kq-da yer alan idmançı yarımfinalda ABŞ təmsilçisi Maks Nouriyə 9:0 hesabı ilə qalib gəlib.
Onun finaldakı rəqibi gürcüstanlı Nuqzari Tsurtsumia olacaq.
72 kq-da çıxış edən Ülvi Qənizadə isə yarımfinalda türkiyəli Selçuk Cana 4:3 hesabı ilə qalib gələrək eyni uğura imza atıb.
Ülvi Qənizadə finalda Serbiyanı təmsil edən Ali Arsalanla qarşılaşacaq.