Xəbər verdiyimiz kimi, iyunun 6-da AXCP üzvü Ziyafət Abbasova ruhi-əsəb dispanserinə yerləşdirilib.
DİN-in mətbuat xidmətinin əməkdaşı Nurlan Əliyev Z.Abbasovanın müalicəsinin digər xəstəxanada davam etdirildiyini bildirib.
“Vətəndaş ruhi-əsəb dispanserində ixtisaslı həkim müayinəsindən keçirildikdən sonra 3 saylı Şəhər Klinik Xəstəxanasına köçürülüb. Hazırda müalicəsini orada davam etdirir”, – N. Əliyev deyib.
Qeyd edək ki, ötən gün sosial şəbəkələrdə Ziyafət Abbasovanın itkin düşməsi ilə bağlı məlumatlar yayılmışdı. Yaxınları onun saxlanıldığını ehtimal etdiklərini bildirirdilər.
Lakin DİN daha sonra fəalın ruhi-əsəb dispanserinə yerləşdirildiyini açıqlayıb.
Azərbaycan Xalq Cəbhəsi Partiyasının üzvü Gülnarə Rəhimova Ziyafət Abbasovanın dəlixanaya qoyulmaqla hədələndiyini bildirmişdi.