“Azərbaycanla Ermənistan arasında aparılan danışıqlarda ən çətin məsələlərin həlli sonraya qalır”.
Bunu Azərbaycan və Ermənistan XİN rəhbərlərinin Vaşinqton görüşünün nəticələrinə dair mətbuat konfransında ABŞ Dövlət katibi Entoni Blinken deyib.
Dövlət katibi bildirib ki, razılığa gəlmək nə qədər asan olsa da, bəzi hallarda çətinləşir: “Çünki ən çətin məsələlər hələ həll olunmayıb”.
“Və ümid edirik ki, qarşıdakı həftələrdə və aylarda ümumi və yekun razılığa nail olmaq məqsədi ilə müxtəlif ayrı-ayrı hissələr üzrə daha da razılaşaraq bu prosesi davam etdirəcəyik”, – Blinken əlavə edib.
