Şahbuzun Mahmudoba kəndində iki gündə üç dəfə yanğın olub.
Birinci 24 xəbər verir ki, Naxçıvan Muxtar Respublikasının Fövqəladə Hallar Nazirliyinin “112” qaynar telefon xəttinə kənddə ot bağlamalarında yanğın olması barədə məlumat daxil olub.
Məlumatla əlaqədar Şahbuz rayon Dövlət Yanğından Mühafizə Hissəsinin bölmələri çağırış üzrə yanğın baş verən ərazilərə cəlb olunub.
Yanğından mühafizə bölmələri tərəfindən həyata keçirilən təcili və təxirəsalınmaz tədbirlər nəticəsində yanğın fərdi yaşayış evinə keçməsinə imkan verilmədən söndürülüb.
Faktla bağlı araşdırma aparılır.
