Sevil-Sevinc Səfərova bacıları maraqlı açıqlamaları ilə gündəmə gəlib.
Birinci24 informasiya agentliyi xəbər verir ki,aparıcı Kazım Sübhanın təqdimatında “Özəl” verilişinin qonağı olan Səfərovalar şəxsi həyatları barədə danışıblar.
Onlar ailə qurmaq istədiklərini, amma bu zaman ailə quranın səhnədən gedəcəyini etiraf ediblər:
“Allah səhnədə yollarımızı ayırsın. Bizim ayrılıq yolumuz ailə qurmaq ola bilər. Ona görə də, inşallah, Allah yollarımızı ayırar.
Bizim nə səhnədə, nə də həyatda küsdüyümüz vaxtlar, davalarımız olmur. Küsülülüyümüz 1-2 dəqiqə çəkə bilər. Mehriban bacılardanıq. Anam deyir ki, heç uşaq olanda da dava etmirmişik”.
