Fransa Prezidenti Emmanuel Makron avqustun 28-dək yeni baş naziri təyin etməlidir.
Birinci24 informasiya agentliyi xəbər verir ki, bu barədə “Journal du Dimanche” qəzeti məlumat yayıb.
Nəşr qeyd edir ki, Makron siyasətçi olmayan namizədi seçə və istefa verən nazirlərin bir qismini yeni komandada saxlaya bilər.
İyulun 16-da Makron Fransanın Baş naziri Qabriel Attalın istefasını qəbul edib. O, hökumət üzvləri ilə birlikdə yeni hökumətin təyinatından əvvəl cari məsələlərin həllini təmin edəcək.
İyulun 7-də Fransada respublika parlamentinin aşağı palatasına növbədənkənar seçkilərin ikinci turu keçirilib. Aparıcı Yeni Xalq Cəbhəsinin rəhbəri Jan-Lyuk Melenşon hökuməti qurmağa hazır olduğunu açıqlayıb.
