“3+3” regional platformasının növbəti üçüncü iclası oktyabrın 18-də İstanbulda keçiriləcək.
Birinci24.com TRT-yə istinadla xəbər verir ki, bu barədə Türkiyə xarici işlər naziri Hakan Fidan Ankarada iordaniyalı həmkarı Ayman əs-Safadi ilə mətbuat konfransında bildirib.
“Türkiyə bütün regional məsələlərin bilavasitə region ölkələri tərəfindən həll edilməsi mövqeyindən çıxış edir. Biz regional əməkdaşlıq platforması “3+3” vasitəsilə Cənubi Qafqaz ölkələri ilə məsləhətləşmələri davam etdiririk. Oktyabrın 18-də İstanbulda “3+3” formatında nazirlərin üçüncü görüşü keçiriləcək”, – o qeyd edib.
Türkiyə XİN rəhbəri iclasda Azərbaycan, Ermənistan, İran və Rusiya xarici işlər nazirləri iştirak edəcəyini bildirib.
