“FlightRadar24” Aktau yaxınlığında qəzaya uğrayan AZAL təyyarəsinin hərəkət trayektoriyasının 3D versiyasını paylaşıb.
Birinci24.com xəbər verir ki, həmin görüntülərdə hava gəmisinin Rusiya ərazisində vurulduqdan sonra Aktauya qədər Xəzər dənizi üzərindən necə keçdiyi yer alıb.
Trayektoriyadan belə bəlli olur ki, təyyarə dəfələrlə enib və qalxıb, həmçinin müxtəlif istiqamətlərdə hərəkət edərək Xəzəri keçib.
Həmçinin təyyarənin Aktau Hava Limanına doğru da istiqamətləndiyi, lakin daha sonra təkrar dənizin üzərinə qayıtdığı, bir müddət sahilə paralel davam etdiyi və nəticədə yerə düşdüyü görünür.
