Anar Əliyev əmək və əhalinin sosial müdafiəsi naziri təyin edilib.
Birinci24 informasiya agentliyi xəbər verir ki, bu barədə fevralın 7-də Prezident İlham Əliyev sərəncam imzalayıb.
Anar Əliyev yeni təyinatadək həmin nazirlikdə nazir müavini vəzifəsini tutub.
O, 2006-2008-cı illərdə İqtisadiyyat Nazirliyinin Hüquq şöbəsinin baş məsləhətçisi, 2008-2018-ci illərdə isə həmin şöbənin müdiri vəzifələrində işləyib.
Anar Əliyev daha əvvəl Əmək və Əhalinin Sosial Müdafiəsi Nazirliyinin Aparatının rəhbəri vəzifəsində çalışıb, 2018-ci ildən isə nazir müavini idi.
Dünən Prezidentin imzaladığı digər sərəncamla Sahil Babayev əmək və əhalinin sosial müdafiəsi naziri vəzfiəsindən azad edilərək maliyyə naziri təyin edilib.
