Aparıcı Günay Baxşəliyeva həyat yoldaşı, həmkarı Zaur Baxşəliyevdən və onun qohumlarından söz açıb.
Birinci24 informasiya agentliyi xəbər verir ki, bu haqda Günay aparıcısı olduğu “Zaurla Günaydın” verilişində danışıb.
G.Baxşəliyeva bildirib ki, onun baldızı və qayını Zaur kimi yardımsevərdirlər:
“Həyat yoldaşım Zaur Baxşəliyevin xəmiri (köməyə ehtiyacı olan insanlara yardım etmək – red.) artıq elə yuğurulub. O ailəyə gedəndən qayınanamı, anamı elə ilk tanışlığımızdan yaxından tanıdım. Təəssüflər olsun ki, qayınatamı tanıya bilmədim. O haqq dünyasını qovuşdu. Allah ona rəhmət eləsin! Mən gördüm ki, insanlara yardım etmək bu ailənin daxilindən gəlir. Baldızım həkimdir, qayınım isə iş adamıdır. Qayınım biznes sahəsində çalışır. Onlar da Zaur kimi öz sahələrində insanlara yardım edirlər və buna çalışırlar. Bu ailədən gələn bir xüsusiyyətdir”.
