Mişel Traxtenberq, ən çox “Buffy the Vampire Slayer” və “Gossip Girl” seriallarındakı rolları ilə tanınan aktrisa, 39 yaşında vəfat edib.
Traxtenberq Nyu-Yorkdakı mənzilində anası tərəfindən ölü tapılıb.
Mənbələrin ABC News-a verdiyi məlumata görə, aktrisa son zamanlar qaraciyər transplantasiyası keçirib və ola bilsin ki, fəsadlar yaşayıb. Traxtenberqin təbii səbəblərdən vəfat etdiyi güman edilir və hər hansı cinayət izinə rast gəlinməyib.
Ölüm səbəbini və formasını müəyyənləşdirmək üçün tibbi ekspertiza aparılacaq.
