Bu ilin mart ayında Mərkəzi Bankın valyuta ehtiyatları 34,7 milyon dollar və ya 0,3% artaraq 11 milyard 26,5 milyon dollara yüksəlib.
Birinci24 informasiya agentliyi xəbər verir ki, ötən bir il ərzində valyuta ehtiyatları 627,9 milyon dollar və ya 5,4% azalıb.
Qeyd edək ki, 2024-cü ilin mart ayının sonunda Mərkəzi Bankın valyuta ehtiyatları 11 milyard 654,4 milyon dollar həddində olub.
Məlumat üçün bildirək ki, Mərkəzi Bankın valyuta ehtiyatları 2014-cü ilin iyul ayında tarixi zirvəyə – 15 milyard 193 milyon dollara yüksəlib. Lakin növbəti aydan – avqustdan başlayaraq valyuta ehtiyatlarında azalma müşahidə olunub.
Bu, eyni zamanda 18 aydan sonra qeydə alınan ilk azalma olub. Belə ki, valyuta ehtiyatları 2013-ci ilin fevral ayından sonra heç vaxt aşağı düşməyib. Ən kəskin azalma isə 2014-cü ilin dekabr ayında baş verib – 1 milyard 238 milyon dollar.
