Naxçıvan şəhəri H.Əliyev prospektində yerləşən “Kassap Döner” dönərxanasında 17 nəfərin qida zəhərlənməsinə məruz qalması barədə məlumat Naxçıvan Yoluxucu Xəstəliklər Mərkəzi PHŞ-dən Naxçıvan Muxtar Respublikasının Qida Təhlükəsizliyi Agentliyinə daxil olmuşdur. Məlumata əsasən Agentlik tərəfindən təxirəsalınmaz tədbirlər həyata keçirilmişdir. Belə ki şübhəli məhsulların toxunulmazlığı təmin edilmiş, dönərxananın fəaliyyəti dayandırılmışdır. Faktla bağlı araşdırma aparılır, nəticələri barədə ictimaiyyətə məlumat veriləcəkdir.
Naxçıvanda dönərxanada 17 nəfər qida zəhərlənməsinə məruz qalıb
