Şuşa Şəhəri Dövlət Qoruğu İdarəsi tərəfindən tender müsabiqəsi elan edilib.
Birinci24 informasiya agentliyi xəbər verir ki, tender müsabiqəsi Şuşa şəhərində D-3 yaşayış massivində nəzərdə tutulan yaşayış binalarının (1-ci mərhələ 10 ədəd bina) tikinti işlərinin satın alınması ilə bağlıdır.
Şuşa Şəhəri Dövlət Qoruğu İdarəsi qeyd olunan işlərin görülməsi üçün tenderin qalibi olacaq şirkətə 49 milyon 129 min 815 manat ödəməyi nəzərdə tutub.
Qeyd edək ki, daha əvvəl Şuşa Şəhəri Dövlət Qoruğu İdarəsi Şuşa şəhərində salınan ilk yaşayış massivində 8 binanın inşası üçün 14 milyon 687 min 500 manat 6 qəpik ödəyib.
