Tayvan bölgədə Çin Xalq Azadlıq Ordusunun 63 təyyarəsi və dörd döyüş gəmisinin görünməsini qeydə alıb.
Bu barədə Tayvanın Müdafiə Departamenti “Twitter”də məlumat yayıb. Departamentin məlumatına görə, onların arasında J-11 (Jian-11), J-16 (Jian-16) və J-10 (Jian-10) qırıcıları, həmçinin Y-8 radar kəşfiyyat təyyarəsi xəbərdaredicisi var.
Xatırladaq ki, bir gün əvvəl Tayvanın Müdafiə Nazirliyi Çin Hərbi Dəniz Qüvvələrinə aid dörd gəminin və 46 hərbi təyyarənin, o cümlədən pilotsuz uçuş aparatları (PUA), döyüş təyyarələri və helikopterlərin adaya yaxınlaşdığını bildirmişdi.
