Naxçıvan şəhərində və Şahbuz rayonunda məişət əşyalarını aldatma yolu ilə dəyərindən baha qiymətə lotereya uduşu adı altında satmağa çalışan şəxslər müəyyən edilib.
Polis əməkdaşları tərəfindən həyata keçirilən tədbirlərlə Şamaxı rayon sakinləri Səfər Əsədov və Namiq Əsədov saxlanılaraq məsuliyyətə cəlb ediliblər. Araşdırmalarda onların tanımadıqları həyətlərə girərək əsasən də qadınlara lotereya uduşu adı ilə 30-50 manatlıq məişət əşyalarının 100-500 manata satdıqları aşkarlanıb.
Naxçıvan Muxtar Respublikası Daxili İşlər Nazirliyi bildirir ki, bu və ya bu kimi əməllərdən zərər çəkən başqa şəxslər varsa polisə müraciət etsinlər.
Faktla bağlı araşdırmalar davam edir.
