Ermənistan və Yunanıstan 2023-cü il üçün hərbi əməkdaşlıq planını təsdiqləyib.
Bu barədə Ermənistanın Yunanıstandakı səfirliyi məlumat yayıb.
“Sənədə 21 tədbir daxildir, onlardan 15-nin Yunanıstanda, 6-nın Ermənistanda keçirilməsi planlaşdırılır. Proqrama xüsusi təyinatlı qüvvələrin, hava hücumundan müdafiə bölmələrinin birgə təlimi və təcrübə mübadiləsi, kiber bölmələrin, sülhməramlı qüvvələrin təlimi daxildir.
Əməkdaşlığın əsas komponenti həm də iki ölkənin kəşfiyyat icmaları arasında əməkdaşlıq olacaq”, – məlumatda deyilir.
