Türkiyədə zəlzələ nəticəsində ölənlərin sayı 50 mini ötdü
Bu barədə Türkiyənin daxili işlər naziri Süleyman Soylu bildirib.
O qeyd edib ki, həlak olanların sayı 50 min 399-a çatıb.
Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
