Hazırda Qırğızıstan-Tacikistan dövlət sərhədinin bütün perimetri boyu silahlı toqquşmalar gedir.
Bu gün, sentyabrın 16-da Bakı vaxtı ilə saat 11:00-a olan məlumata görə Qırğızıstan-Tacikistan sərhədində silahlı münaqişə nəticəsində zərər çəkmiş Qırğızıstan vətəndaşlarının sayı 31 nəfərə çatıb. Bu barədə Qırgızıstan Səhiyyə Nazirliyinin mətbuat xidmətindən məlumat verilib.
Hazırda 31 zərərçəkən müxtəlif dərəcəli bədən xəsarətləri ilə xəstəxanaya yerləşdirilib. Onların vəziyyəti və diaqnozu barədə əlavə məlumat veriləcək. Batken vilayətində bütün səhiyyə təşkilatları və təcili yardım xidmətləri gücləndirilmiş iş rejiminə keçirilib. Xəstəxanalarda kifayət qədər qan komponentləri var. , tibbi xidmətin göstərilməsi üçün dərman vasitələri və tibbi məhsullar çatışmır.
Xatırladaq ki, sentyabrın 14-də səhər saatlarında Batken şəhərinin Bulak-Başı hissəsində atəş açılıb. Tezliklə tacik sərhədçiləri Batken vilayətinin Kak-Sai rayonundakı Dostuk və Paski-Arık rayonundakı Səmərqəndək sərhəd zastavalarını atəşə tutublar.
Qırğızıstan və Tacikistan sərhəd nümayəndələrinin görüşü nəticəsində Tort-Kuça bölgəsində bir sıra razılaşmalar əldə olunub.
Qeyd edək ki, Qırğızıstan-Tacikistan sərhədində baş verən silahlı münaqişə zamanı iki hərbçi və üç mülki şəxs (onlardan biri 11 yaşlı yeniyetmədir) yaralanıb. Bu gün, sentyabrın 16-da saat 11:00-a olan məlumata görə, 4 hərbçi və 18 mülki şəxs yaralanıb.
Qırğızıstan Xarici İşlər Nazirliyi Tacikistan tərəfinin qanunsuz və destruktiv hərəkətləri ilə bağlı etiraz notası təqdim edib.
