Valideyn himayəsindən məhrum uşaqlar və yeniyetmələr uşaq evləri və internatlarda təhsil alırlar. Sonradan onlar da cəmiyyətin tam hüquqlu üzvü olur və müxtəlif sahələrdə çalışırlar.
Lazım gəldiyi zaman vətənin çağırışına səs verib əlinə silah alır və müdafiəsinə qalxırlar. Yaxın tarixə nəzər salsaq internat məzunu olmuş gənclıərimizin böyük şücaət göstərməsinin şahidi olarıq. Onların torpaqlarımızın işğaldan azad edilməsinə fəal iştirak etməsi ilə bağlı nümunələr mövcuddur.
İkinci Qarabağ Müharibəsində iştirak etmiş və şəhidlik zirvəsinə ucalmış Əmrah Rəcəbov və Nicat Salahov Gəncə Uşaq Evində böyüyüb başa çatıblar.
Ötən gün Azərbaycan-Ermənistan sərhədində ermənilərin təxribatı nəticəsində şəhid olan hərbçilərimizdən Səbuhi Əhmədov da “SOS Uşaq Kəndləri”nin məzunudur.
