Avropa İttifaqının Cənubi Qafqaz və Gürcüstan üzrə xüsusi nümayəndəsi Toivo Klar “Bakı-Xankəndi real dialoqu” haqqında danışıb.
Birinci xəbər verir ki, bu barədə o, “Twitter” mikrobloqunda yazıb:
“Zorakılığa alternativ təqdim etmək, lazımi etimadı gücləndirmək və ləyaqəti təmin etmək üçün Bakı və Xankəndi arasında real dialoq başlanmalıdır. Avropa İttifaqı Ermənistan və Azərbaycan liderləri ilə Brüsseldə keçiriləcək üçtərəfli görüşü səbirsizliklə gözləyir”.
“Vədlə başlayan gün yenə məyusluqla bitdi. Avropa İttifaqının dəfələrlə təkrarladığı kimi, enerji daşıyıcılarının təchizatının, eləcə də insanların və yüklərin Laçın dəhlizi ilə hərəkətinin məhdudiyyətsiz bərpa olunması çox vacibdir”, – deyə Klaar əlavə edib.
