Əməkdar artist Tünzalə Əliyevanın əri Röyal mərhum həyat yoldaşından danışıb.
Birinci 24 xəbər verir ki, sosial şəbəkə hesabında qızı ilə görüntülərini paylaşan Röyal hər kəsi kövrəldib:
“Bu musiqi Tünzalənin ən çox sevdiyi musiqi idi. Təzə ailə qurmuşduq və tez-tez bu musiqini dinləyirdi, mən isə qısqanclıqdan həmin musiqini telefonundan silmişdim. Bəzən bir-birimizdən küsəndə bu musiqini açırdı, bilirdi ki, reaksiya verəcəyəm və ikimiz də gülməyə başlayırdıq.
Sonradan mən bu musiqini yenidən yüklədim və dinləməyə başladıq, əl-ələ tutub dinləyirdik. İndi isə avtomobilə əyləşən zaman Zəhram deyir ki, anamın musiqisini aç. Deyir “əlini aç”, açıram, əlimdən tutur, deyir anamla bu musiqini belə dinləyirdiniz. Bəzən məni çox güldürür, deyir ki, sən güləndə xoşuma gəlir.
Hərdən insanlar mənə sual verir ki, Zəhraya baxmaq çətin deyil? Mənsə cavab verirəm ki, daha çox Zəhram mənə baxır”.
