Müğənni Aysel Əlizadənin geyimi başını bəla olub.
Birinci 24 xəbər verir ki, axşam saatlarında restoranların birinə şam yeməyinə gedən sənətçi “Alexander Wangny” markasına məxsus bel hissəsi alt paltar detallı cins şalvarına tənqid yazan izləyicilərinə sosial şəbəkə hesabı vasitəsi ilə cavab verib.
Aysel sözügedən cins şalvarda çəkilən fotosunu paylaşaraq bu sözləri yazıb:
“Bu, cins şalvar modelidir. Artıq bezdim deyə yazıram. Bu tərzlərdə belə cins şalvar modelləri çoxdur. Deyim ki, sabah bunlardan başqasının əynində görəndə də boş-boş danışmayın. Araşdırın, sonra tərbiyəli danışmağa cəhd edin.
Dəhşətsiniz, biriniz də yazmırsınız ki, xeyirli olsun. Anlayıram nədəndir, çünki elə bir mədəniyyət yoxdur.
Yaxşı fikir bildirmək, müsbət yanaşma yoxdur. Bu boş-boş yazanların fikri olacaq ki? Onlarınkı yalnız fəsadlıq, tərbiyəsizin tərbiyə haqqında müzakirəsidir. Xoşunuza gəlmir, tərbiyəli ol, izləmə. Açıqlama verdim ki, biləsiniz, bilmirsinizsə öyrənməyə cəhd edin”.
