Amerika Birləşmiş Ştatlarının Nüvə Tənzimləmə Komissiyası (NRC) və Ukraynanın Nüvə və Radiasiya Təhlükəsizliyi üzrə Dövlət Müfəttişliyi radiasiya təhlükəsizliyi sahəsində əməkdaşlıq memorandumu imzalayıb.
Bu barədə Ukrayna nüvə tənzimləyicisi rəsmi press-relizdə məlumat verib.
Kiyev adından memorandumu Ukraynanın nüvə və radiasiya təhlükəsizliyi üzrə baş dövlət müfəttişi Oleq Korikov, Vaşinqton tərəfdən isə ABŞ Nüvə Tənzimləmə Komissiyasının sədri Kristofer Henson imzalayıb.
Saziş Ukraynanın nüvə enerjisi sahəsində Amerika təcrübəsinin ötürülməsi və həyata keçirilməsinə yönəlib. ABŞ NRC-nin mütəxəssisləri ukraynalı həmkarlarına nüvə qurğularının təhlükəsizliyinə nəzarət və radioaktiv materialların ətraf mühitə təsirinin qiymətləndirilməsi üzrə təlim keçəcək.
Bundan əvvəl Ukraynanın milli enerji şirkəti “Enerqoatom” nüvə yanacağının ilk partiyasını ABŞ təchizatçılarından alıb. Ukraynanın energetika naziri German Qaluşenkonun sözlərinə görə , enerji daşıyıcıları ukraynalı həmkarları ilə birlikdə Amerikanın “Westinghouse” şirkəti tərəfindən istehsal edilib.
