“Bakı metrosunun Xırdalan şəhərinə qədər olan istiqamətində metro stansiyasının inşası nəzərdə tutulmur”.
Bunu Dövlət Şəhərsalma və Arxitektura Komitəsinin sədri Anar Quliyev Bakı şəhərinin 2040-cı ilədək inkişafına dair Baş planının təqdimatı mərasimində deyib.
O bildirib ki, artıq “Xocəsən” stansiyası istifadəyə verilib:
“Bu stansiya Xırdalan şəhərinə və digər şəhərətrafı ərazilərə yaxındır. Bu da nəzərə alınmalıdır ki, Xırdalan şəhərinin içərisində metro stansiyasının inşası üçün uyğun istiqamət yoxdur”.
Qeyd edək ki, yanvarın 8-də ictimaiyyətə açıqlanan Bakı şəhərinin 2040-cı ilədək inkişafına dair Baş planında Xırdalana metro xətti çəkiləcəyi açıqlanmışdı.
