Birinci24 informasiya agentliyi xəbər verir ki, Daxili Qoşunların Naxçıvanda yerləşən hərbi birləşməsinin xüsusi təyinatlıları ilə “Piyada olaraq və texnikada reyd tədbirlərinin keçirilməsi” mövzusunda xüsusi-taktiki təlim təşkil olunub. Təlim zamanı uzun məsafələrə piyada qaydada taktiki yürüş keçirilib.
Plana uyğun olaraq yaşamaq uğrunda mübarizənin amilləri, müxtəlif şəraitlərdə sığınacaqların hazırlanması, həmçinin çətin iqlim və relyef şəraitlərində dağlarda hərəkət üsulları üzrə məşğələlər keçirilib, gecə şəraitində taktiki hazırlıq üzrə normativlər qəbul edilib.
Təlim uğurla başa çatıb və qarşıya qoyulmuş məqsədlərə nail olunub.
