İranın yeni seçilmiş Prezidenti Məsud Pezeşkiyanın andiçmə mərasimi olub.
Birinci24.com xəbər verir ki, mərasimi SNN canlı yayımlayıb.
Mərasim İran Parlamentinin (Məclis) binasında 80-dən çox ölkədən yüksək vəzifəli qonaqların iştirakı ilə keçirilib.
Təntənəli tədbir İslam Respublikasının himninin və müsəlmanlar üçün müqəddəs kitab – Quranın oxunması ilə başlayıb.
Mərasimin əsas hissəsində Pezeşkian andın mətnini oxuyub, imzalayıb və sənədi ədliyyə orqanının rəhbərinə verib. O, xalqa söz verib ki, onun hökuməti bütün iranlıların hüquqlarını təmin edəcək və nə olursa olsun, həmişə milli maraqlara üstünlük verəcək.
